لون الخباثه عبدالعزيز_المنصوري الغد الجنوبي خاص لون الخباثة بين ( لحمر ولزرق ) وانت الخباثة ياولد قد سكن فيك بس اللكاعة شوفها نهج ...
عبدالعزيز_المنصوري
الغد الجنوبي خاص
لون الخباثة بين ( لحمر ولزرق )
وانت الخباثة ياولد قد سكن فيك
بس اللكاعة شوفها نهج الاحمق
وانت الحماقة مالهاشي صلة فيك
خل الحذاقة ياذكي قبل تغرق
فالبحر واسع وانت مافيك يكفيك
شف مابنيته بايجي يوم يندق
ولن يفيدك كل من كان يعطيك
كم باتضلي بالجماعة! معلق
واحد يجيبك فوق واحد يوديك
والشرخ واسع مثل ذي قال مبشق!
وانته مذبذب لا دجاجة ولا ديك
قم طف نارك يافتى قبل تحرق
عالج جراحك واسئل الله يشفيك
خلك مع اهلك لا ترقع وتبزق
وبالنهاية قد فهمنا معانيك
===
#عبدالعزيز_المنصوري ١٩مارس٢٠١٩م
===
ليست هناك تعليقات